28.1.08

Méchanceté gratuite!!!


Je n’arrive pas vraiment à me mettre dans la peau d’une personne pratiquant la méchanceté gratuite.
A chaque fois que j’essaie de me mettre à sa place et d’imaginer sa façon de cogiter, je me retrouve perdue, sans un vrai exemple à suivre, aucune idole médiatiquement connue à copier, rien de rien, seul des exemples vulgaires de notre quotidien me viennent à l’esprit...
Tous les méchants connus du cinéma, des medias, de la vie politique, de l’histoire et même des contes de fées exercent toujours dans des buts bien ciblés : gagner de l’argent, gagner en autorité ou en notoriété, conquérir des trônes ou le cœur d’une princesse et même pour améliorer et animer le quotidien ordonné et paisible d’un héro d’une bande dessinée.
Mais, jamais, jamais gratuitement…
Etre méchant, doit être encadré par une « éthique » et une « morale ». Toute personne l’exerçant à but non lucratif et sans objectifs précis a atteindre, doit être sujette d’une poursuite juridiquement diabolique.
Si non, ca va être la jungle...

24.1.08

دروس تعليم السياقة في تونس

الدرس الاول

انت الوحيد الي يعرف ايسوق

انت الوحيد المزروب

انت الوحيد الي اشلقت بالسياقة فوق الرصيف

انت الوحيد الي ينجم "ايدوبل على اليامين

و كي يغيب البوليس يلزمك تحرق الضوء

انتهى الدرس الاول

18.12.07

ايام "كرتاج" المسرحية



قبل ما نبدء نحكي في لب الميضوع, نحب اولا نذكر حال هالمدونه الي مسخفني... كل مره نقول هيا نكتب حويجة والا هات نحكي على موضوع والا اننضر في اخر الا و نلقى روحي غاطس الى شوشتي في الكوتديان امتاعي و "الروتين" و يدي الى راسي ما نجمش انهزها. وليتشى طامع باش نهار ندخل نلقى حد اخر كاتب في بلاصتي والا هالمدونه بيدها كاتبه حويجه وحدها تذكر فيها حالة الاهمال والنسيان الي تعاني فيها في جرتي وانا حاسب روحي "منفلوطي" زماني باش نتمزى عليها باربعة اسطره من اعماق قريحتي الجياشه؟
و بما ان زمن المعجزات ولى : وليت من حيني تحاملت على نفسي واستجمعت اخر ما تبقى لى من "كوراج" و قلت نكتب على اول حاجة تعرضني.
بطبيعة الحال كان من الاسهل باش الواحد يحكي على العلوش و مزاياه و على طرق طبخه و الا حتى على البعد "السوسيو-اجتماعي" لهذا العيد, لكني حبيت نبدى بموضوع "اخف" على المعده و اسهل "للهضم" و الي هو : ايام "كرتاج" المسرحية.
اولا و كيما اغلب التضاهرات التثقفيه, ابدات تحت حس مس و ما سمعنا بها كان ليلة سهل-الله, اتقولش عليها زياده في سوم الخبز والا "الاسونس
ثانيا : "البروقرام" و كان عندك الزهر و تطيح بيه, ماشو مفهوم برشه و تحسو موجه على الاغلب لاهل "الدومان" المسرحي الي يعرفو الفنان الفلاني و الفنانه الفلانيه و يتبعوا عن قرب في اخبار المسرح التجريدي في طشقند و خراسان
ثالثا : كيما برشاء من ابناء جيلي والي لعبلهم بمخهم الروتين اليومي
و ما عادش لقين فضوه باش يمشيوا للمسرح و الا للسينما و فقدوا نكهة المغامره, باش تصادفهم صعوبه كبيره لاختيار واحد من هالعروض حتى وكان النيه موجوده
رابعا : وليس اخيرا, ماني لمدت الكوراج تاعي الكل و تبلانجيت في صميم عرض من هالعروض المميزه . هو صحيح الي هالعرض كان باللغه العربيه اما السيد ما فاتش الكليمتين حديث والباقي دورها صياح و تنقيز. "نورمالمون" هذا الي يسميواه التجريدي, اما انا راني من هاك الجهال الي ما حبش هالفن يدخل الطاسة تاع مخهم و يضهر لي اصعب حتى من "الباك" الزمني
ما بينتنا الناس الي حاضره الكلها تضهر فاهمه القصه و مندمجه مع البطل, اما راهم كعيبتين و كعبه ما يعبيوش "لواج" نقل ريفي. هذاك اعلاش من شيره اخرى نولي نتفهم هالميول "للوان مان شو" الي يزيد ايتلل في المصاريف و حتى الديكور ما فيه كان كرسي و لوحه و صندوق و "لين الخساير, لين"
وبما اني انا من هاك الاغلبيه ما نقدرش "السرفيس" و ما نصدق اللا ما نعنق: و كي ما يبداش عامل ديكور مذهب و مرخم و لوحو بلنز من لبريمه, و يكون عامل خمسين "كمبرس" و عشره ضيوف شرف و عشرين بطل, ما يتسماش عامل مسرحيه تستاهل المغامره و حق التسكره
خامسا و المره هاذي اخيرا : كيما بدات هالتضاهره وفات, تحت حس مس, لا من شاف و لا من درى, ربح الي ربح و فرح الي فرح, و يا من عاش عامين اخرين باش تتعاود من جديد هالمعبوكه

21.8.07

Joli Coucou

Koll marra net3adda ba7dha chanti, ichidd intibahi hat'sawer 3D ta3 el makettes ta3 el machrou3.
Ahamm Haja nla7ed'ha en general, hya kathafet "les espaces verts".. Chajar, ouinkhall, ou yesmine ou fell (kima 9all si Essade9, yer7mou), El mokhtassar: verdure ta3mel el kiff. Ou nitsaouer kan koull mou9aouel respectaha ou e7taram hal promesse rahou hall blad ma tejjemch t3ani min mouchkelt tlaweth. Ouittalaweth mouch dkhakhen barka n9aoumouha bil finomene ta3 el "klorofile" ta3 ennabette, yejjem koun tlaweth lil 3ayen wennadher wennadhirine bhal bakouette ta3 la7lib hadhi ouissnade9 elli tal3ine partout 9allek 3imarattes ou bina2attes 3amoudya. Zid kif wa7ed min halmou9aouline ytkarrem (barakallahou fih) ou yeghress zwayez nkhall, ichidd i kattafhoum min rousshom line echi7ou ou yebsou.. Oui milli kanou fil programme bach i zaynou, i walliou ki zwayez ou3rouss ta3 simane mayline khaykhine khaybine, i 7assouk bil wa7ech wichya7 wil mizirya..
That's all folks!

20.7.07

In3aoued in9oullkom Mar7aba

Aya ya jma3a kim 9oult 2anifan: "mar7aba bikom fi Prepa2000". Hal Blog minkom wa ilaykom, ya7lou fihi essamar, wel 9ayloula zada. Ou bach, oumani nou9sid fi 7add, nwadh7ou errou2ya lil jami3: Il fikra hadhi intala9et fi aouassit ettis3inat wa9telli tlammet chella ta3 siya3a fil Prepa ta3 Nabeul we touijdet fikrett jarida local litta3bir 3amma yaloujou fi khawatirina min macha3er hayaja mayaja, maniche sure min oujoud hal kilma fi 9amousse loghetna, ouel9at hal badira esti7san mil jami3. Ou minha intala9na n3abbrou, li2aouel marra, bisaoueti wassoura 3ala ehbalna ou 2almna ou 7atta 3al 3ou9ad mta3 kamcha 9arraya ytbanninou fitkarkir. Ou chakhet'telna fi 'mkhakhna ou wallina netkalmou 7atta 3all adoulissance retardee ou attardee ta3na :)
I 3ada il youma, ki wallatte metwaffera 7kayet "les Blogs" ouil "moudawnattes", el9inha foursa li2i7ya2 hal badera ettayiba bach etkoun foursa, ejdida ou moutajaddida, nherrou fiha ou n9at3ou ouinnraychou kim kounna na3mlou fil madhi il 9ariib. Ou kil 3ada bach tkoun foursa lil '9doum ouil 'jdoud bach ya7kiou 3al 3ou9add'hom ou toul'hom, illi netsaouerha zadet kibret ou marret min sinn il mourah'9a ill sinn annoudhej wal ya2ss, oui bdatte etfou7 ri7et'ha akther 3al entouraje ta3na, ke se soit, fil 3ila, binnesba lilli 3arsou ou nzadelhoum ez'zoghzogh ou wallaou mas2ouline 3ala jile kamel, walla fil khedma binnesba lilli in'9at3ou 3al lebtala ou wallaou 7atta a3roufatte ou mas2ouline 3andhoum fi jourret'hom kamcha sonna3 ennhar ou toulou i daw7ou fi rouss'hom: "7adher sidi", "eye in3am", "hadhaka hou" ou hatt min hakk ellaoui. Ou 7atta binnesba lilli mezzalou battala oualla 3ouzzab netsaouer rahom faou7ouha fil '9haoui ou fil "les salons de the"... Aya min ghiir ma nzidd entaouell 3likom, challah tkounou fhimtou ahdafna essamiya min khilal hal moudawna :)